Отдел новостей 3 апреля 2022, 12:49

З’явiўся навігатар па аўдыякнігах на беларускай мове

У сецiве з’явiўся навігатар па аўдыякнігах на беларускай мове і аўдыякнігах беларускіх аўтараў — audiobooks.by.

Каманда, што працуе над праэктам, зазначае, што на дадзены момант запісана шмат беларускіх аўдыякніг, але яны раскіданы па розных кутках інтэрнэту. Таму бывае цяжка высветліць, ці ёсць кантрэтная кніга ў аўдыяфармаце, альбо паглядзець усе аўдыякнігі аўтара.

Сайт audiobooks.by дарэчы не змяшчае самі кнігі, а толькi дае спасылкі на пляцоўкі, дзе іх можна паслухаць альбо набыць. На дадзены момант на сайце сабраныя спасылкі на 342 кнігі. Водгукi i прапановы можна даслаць праз гугл-форму.