Гендырэктар Twitter Ілан Маск мяркуе, што, магчыма, людзі бавяць зашмат часу за камунікацыяй у сацсетках. Так бізнэсовец адрэагаваў на словы аднаго з карыстальнікаў Twitter пра антысацыяльныя тэндэнцыі і самоту.
Гендырэктар Twitter Ілан Маск мяркуе, што, магчыма, людзі бавяць зашмат часу за камунікацыяй у сацсетках. Так бізнэсовец адрэагаваў на словы аднаго з карыстальнікаў Twitter пра антысацыяльныя тэндэнцыі і самоту.
Карыстальнік рэпоснуў амерыканскае даследаванне 2021 года, згодна з якім кола зносін людзей за апошнія трыццаць гадоў моцна звузілася. Так, 15% рэспандэнтаў мужчынскага полу адказалі, што не маюць блізкіх сяброў — у 1990-м такіх было 3%. Сярод рэспандэнтаў жаночага полу такіх аказалася 10% — супраць 2% у 1990-м.
«Мажліва, нам трэба марнаваць менш часу на сацсеткі?» — задумаўся Маск.
Maybe we should spend less time on social media … ?
— Elon Musk (@elonmusk) January 12, 2023
Маск купіў Twitter летась за $44 млрд і сам вельмі актыўна яго выкарыстоўвае. Insider у лістападзе адзначаў, што на працягу трох тыдняў пасля завяршэння ўгоды 27 кастрычніка Маск у сярэднім рабіў публікацыі — твіты, рэтвіты, адказы — раз на гадзіну. Асноўная маса яго дзеянняў прыходзілася на адказы іншым юзарам.
Летась у адным з падкастаў Маск заявіў, што ў яго ёсць «жудасная звычка» — хапацца за тэлефон адразу, як прачнецца. Тады ён сказаў, што замест гэтага лепш было б выдаткоўваць 20 хвілін на трэніроўкі, каб прывесці сябе ў форму. Ці зрабіў Маск так, як планаваў, невядома.
Релоцировались? Теперь вы можете комментировать без верификации аккаунта.